Ka përfunduar mbledhja e Këshillit Politik për ditën e sotme.
Burimet bëjnë me dije se gjatë 1 orë takim, Opozita ka dënuar faktin që ditën e djeshme është zhvilluar mbledhja e Këshillit Politik, në një kohë kur ajo e kishte konfirmuar mospjesëmarrjen.
“Opozita dënon shoën e ditës së djeshme, ku u zhvillua një mbledhje, në shkelje të rregullave të funksionimit të Këshillit Politik, që u tentua të mblidhej pa konsensus dhe pa praninë tonë.
Opozita kishte konfirmuar që nuk merrte dot dje pjesë në mbledhjen dhe kishte propozuar dy opsione për mbledhjen e Këshillit (sot dhe nesër).
Dje nuk kishte një mbledhje të Këshillit Politik, sa kohë ne nuk kishim dakordësur për zhvillimin e mbledhjes dhe kishim konfirmuar që nuk mund të ishim.
Opozita i qëndron marrëveshjes së 14 Janarit dhe të 5 Qershorit.
Çdo ndryshim që lidhet me zgjedhjet duhet të kalojë nëpërmjet Këshillit Politik, me konsensus, transparencë dhe gjithëpërfshirje. Për çdo ndryshim lidhur me zgjedhjet e domosdoshme ekspertiza e OSBE-ODIHR. Asnjë ndryshim nuk duhet të jetë në kundërshtim me standardet e OSBE-ODIHR dhe Komisionit të Venecias”.
