Federata e Futbollit e SHBA-së pritet të konsiderojë Pep Guardiolën si zgjedhjen kryesore për postin e trajnerit, nëse Mauricio Pochettino largohet për t’u bërë pjesë e Manchester Unitedit, raporton The Athletic.
Sipas burimeve të njohura me çështjen, Guardiola është kandidati që preferojnë amerikanët në rast se Pochettino kalon te “Old Trafford”.
Të lidhura
None found
Manchester Unitedi po përpiqet të arrijë marrëveshje me trajnerin argjentinas, i cili pritet të marrë vendin e Michael Carrickut. Drejtuesit e klubit thuhet se kanë nisur bisedimet me ish-trajnerin e Tottenhamit dhe Chelseat për kushtet personale.
Guardiola ka drejtuar më herët Barcelonën, Bayern Munichun dhe Manchester Cityn. Gjatë karrierës së tij ka fituar disa tituj kampionë në ligat vendore, si dhe tri trofe të Ligës së Kampionëve.
Deri tani, megjithatë, nuk ka konfirmim për ndonjë ofertë zyrtare apo marrëveshje mes Federatës së Futbollit të SHBA-së dhe trajnerit spanjoll.
