Galatasaray doli fitues 4:3 përballë Amedsporit në një derbi dramatik të luajtur të shtunën mbrëma, në kuadër të xhiros së 11-të të Superligës së Turqisë.
Rafael Leao zhbllokoi rezultatin për Galatasarayn në minutën e shtatë. Në minutën e 45-të, autogoli i portierit Alban Lafont e çoi rezultatin në 2:0, ndërsa Alexey Batrakov shënoi golin e tretë për vendasit në minutën e 59-të.
Të lidhura
None found
Amedspori reagoi me golin e Dia Sabas për 3:1 në minutën e 62-të. Tre minuta më vonë, Gift Orban e ngushtoi diferencën në 3:2, por Baris Yilmaz shënoi për 4:2 në minutën e 80-të.
Yira Sor realizoi në minutën e 92-të për rezultatin 4:3. Goli i tij, megjithatë, nuk i mjaftoi Amedsporit për të shmangur humbjen.
Ermal Krasniqi luajti gjithë ndeshjen për Amedsporin, që drejtohet nga trajneri Besnik Hasi, ndërsa Lumbardh Dellova qëndroi në fushë deri në minutën e 63-të.
Pas këtij suksesi, Galatasaray mbetet në krye të tabelës me 28 pikë. Amedspori ka pesë pikë më pak dhe renditet në pjesën e sipërme të saj.
