Dion Kacuri ishte vendimtar për Austria Lustenau në ndeshjen ndaj GAK-ut, të vlefshme për javën e 12-të të elitës së futbollit austriak. Mesfushori i Kosovës shënoi në minutën e 90-të, duke përcaktuar rezultatin 2-1 dhe duke i siguruar skuadrës së tij tri pikë të rëndësishme.
Fitorja e ktheu Austria Lustenau te rezultatet pozitive pas humbjes 5-1 ndaj Salzburgut në xhiron e mëparshme.
Të lidhura
None found
Sofascore e vlerësoi Kacurin me notën 8.4 dhe e shpalli lojtarin më të mirë të ndeshjes. Krahas golit, ai realizoi 61 pasime me saktësi 88 për qind dhe pati tri goditje drejt portës, dy prej tyre në kuadrat. Mesfushori regjistroi gjithashtu 11 rikuperime të topit dhe fitoi katër duele ajrore.
Paraqitja e tij vjen pasi është përfshirë në listën e Kosovës për dy ndeshjet e nëntorit kundër Izraelit dhe Irlandës në Ligën e Kombeve. Me këtë gol dhe me lojën e tij, Kacuri po tregon se mund të jetë një alternativë e rëndësishme për Dardanët në sfidat e ardhshme.
