Para autoriteteve greke, Nikolin Pali ka pranuar se, krahas dy vrasjeve të kryera në Greqi gjatë vitit 2020, ka kryer edhe dy të tjera në territorin shqiptar. Sipas deklarimit të tij, krimet në Shqipëri kanë ndodhur përpara se ai të arratisej drejt Greqisë.
Burime të besueshme bëjnë të ditur se dy viktimat në Shqipëri janë vëllezërit Sejdin dhe Seldjan Vucaj. Vrasja e tyre ka ndodhur në fshatin Shtoj i Vjetër të Shkodrës, në vitin 2002.
Të lidhura
None found
Pali, tashmë i arrestuar për llogari të Greqisë, në Shqipëri njihej si Fran (Zef) Tomë Preldakaj. Emrin ai e ka ndryshuar në Greqi.
Ndërkohë, autoritetet greke po vazhdojnë hetimet për të përcaktuar nëse Nikolin Pali është i përfshirë edhe në krime të tjera në shtetin helen.
