Egnatia u mund 2-0 nga Universitatea Craiova në Ligën e Konferencës, duke pësuar humbjen e parë pas dy barazimeve radhazi.
Skuadra shqiptare nuk i bëri ballë presionit të vendasve. Alexandru Cicaldau shënoi në minutën e 27-të, por goli u konfirmua vetëm pas një pritjeje të gjatë, ndërsa VAR-i verifikoi një pozicion të mundshëm jashtë loje.
Të lidhura
None found
Në minutën e 33-të, Nicușor Bancu e çoi rezultatin në 2-0 me një goditje të fortë nga distanca, ndaj së cilës portieri Mario Dajsinani nuk mundi të reagonte.
Egnatia pati rastin të përgjigjej në pjesën e dytë. Në minutën e 53-të, Altin Kryeziu goditi nga distanca, por portieri i Craiovës bëri një pritje të shkëlqyer.
Vështirësitë për ekipin shqiptar u shtuan në minutën e 84-t, kur Eneo Bitri mori kartonin e dytë të verdhë dhe u përjashtua. Craiova e mbylli ndeshjen me fitore 2-0, ndërsa Egnatia iu kthye humbjeve.
