Gjatë Forumit Ministror BE–Ballkani Perëndimor për Drejtësinë dhe Çështjet e Brendshme, që po zhvillohet në Budvë, ministri i Punëve të Brendshme, Xhelal Sveçla, zhvilloi një takim me zëvendësministren e Brendshme të Lituanisë, Ana Burkovskiene.
Biseda u përqendrua te forcimi i mëtejshëm i bashkëpunimit mes dy vendeve mike dhe te sfidat e përbashkëta në fushën e sigurisë.
Të lidhura
None found
Sveçla shprehu mirënjohje për kontributin e Lituanisë në misionin paqeruajtës KFOR, përmes angazhimit të trupave të saj ushtarake. Ai vlerësoi gjithashtu se ky shtet vazhdon të jetë një mbështetës i qëndrueshëm i Kosovës në procesin e integrimit evropian.
“Theksuam se përballemi me sfida të përbashkëta të sigurisë dhe biseduam për mundësitë e bashkërendimit të përpjekjeve për t’i adresuar dhe tejkaluar ato”, shkroi Sveçla në një postim në Facebook.
Më 1 janar 2027, Lituania do të marrë Presidencën e Këshillit të Bashkimit Evropian. Sipas ministrit Sveçla, kjo do të hapë mundësi të reja për zhvillimin e mëtejshëm të marrëdhënieve me Kosovën.
