Një burrë dhe një grua humbën jetën gjatë natës, pasi flakët përfshinë një depo të braktisur në Portin e Vjetër të Triestes, në verilindje të Italisë.
Vendi ku ra zjarri shërben si strehë e përkohshme për emigrantët që arrijnë në Trieste nëpërmjet rrugës ballkanike.
Të lidhura
None found
Pas njoftimit për ngjarjen, në zonë shkuan disa automjete të zjarrfikësve, policisë dhe shërbimeve të emergjencës. Ekipet ndërhynë për të vënë flakët nën kontroll.
Teksa po shuanin zjarrin, ekipet e shpëtimit gjetën dy trupa të karbonizuar. Përhapja e flakëve shkaktoi edhe shembjen e një pjese të papafingos së ndërtesës.
Ende nuk janë përcaktuar rrethanat dhe shkaqet e zjarrit.
