Erik ten Hag ka reaguar ndaj polemikës së Cristiano Ronaldos me Kombëtaren e Portugalisë, duke theksuar se asnjë futbollist nuk mund të vendoset mbi klubin apo përfaqësuesen ku luan.
Drejtori teknik i Twentes, dikur trajner i Manchester Unitedit, komentoi raportimet se sulmuesi i Al-Nassr ishte larguar pa leje nga grumbullimi i Portugalisë pas një mosmarrëveshjeje me trajnerin Jorge Jesus.
Të lidhura
None found
Për këtë veprim, 41-vjeçari u gjobit me 255 euro. Rasti ka sjellë diskutime të shumta për sjelljen e Ronaldos dhe marrëdhënien e tij me ekipin kombëtar.
Sipas ten Hag, ky parim vlen si për Cristiano Ronaldon, ashtu edhe për Lionel Messin: skuadra duhet të jetë gjithmonë e para. Ai tha se ekipet e mëdha duhet t’i japin mbështetje lojtarit të tyre më të mirë, por edhe ai duhet të pranojë t’i shërbejë ekipit. Në të kundërt, sipas tij, suksesi bëhet i pamundur dhe gjithçka merr fund.
Holandezi solli si shembull Messin dhe punën e tij me Kombëtaren e Argjentinës, të cilën e cilësoi të jashtëzakonshme për t’u parë. Ten Hag vlerësoi përkushtimin e madh të yllit argjentinas: të tjerët e ndoqën dhe punuan për të, ndërsa edhe Messi dha shumë në këmbim.
Komentet e ten Hag vijnë ndërsa sjellja e Ronaldos me përfaqësuesen portugeze po vihet në pikëpyetje, pavarësisht se ai konsiderohet një prej futbollistëve më të mëdhenj në histori.
