Një vajzë 19-vjeçare ka ndërruar jetë, ndërsa shtatë persona të tjerë janë plagosur pas një sulmi me armë zjarri pranë kampusit të Universitetit Wesleyan të Illinois, në Bloomington të SHBA-së.
Të shtënat u regjistruan në orët e para të së dielës. Autoritetet kanë nisur hetimet, por deri tani nuk është bërë i mundur arrestimi i ndonjë të dyshuari.
Të lidhura
None found
Policia mori njoftimin rreth orës 01:23 për të shtëna në bllokun 100 të East Division Street.
Kur mbërritën në vendin e ngjarjes, efektivët gjetën disa persona të lënduar. 19-vjeçarja u shpall e vdekur aty, ndërsa një tjetër i plagosur u dërgua në një qendër rajonale traume, në gjendje kritike.
Sipas autoriteteve, gjashtë të plagosurit e tjerë kanë marrë dëmtime që nuk e rrezikojnë jetën.
Policia u ka kërkuar banorëve të zonës, veçanërisht atyre pranë Center Street dhe Emerson Street, të verifikojnë pamjet nga kamerat e sigurisë, kamerat e automjeteve dhe kamerat e dyerve, me qëllim ndihmën në identifikimin e personave të përfshirë.
Hetimet për përcaktimin e rrethanave të ngjarjes vijojnë, ndërsa deri në këtë moment nuk ka asnjë person në paraburgim.
