Në Bërvenicë, nesër më 1 nëntor, do të zhvillohet raundi i dytë i zgjedhjeve të parakohshme për kryetar komune, ndërsa sot votojnë qytetarët e sëmurë dhe të pafuqishëm në vendbanimet e komunës.
Heshtja zgjedhore për këtë raund të Zgjedhjeve të Parakohshme për Kryetar Komune të Bërvenicës nisi mbrëmë në mesnatë.
Të lidhura
None found
Raundi i parë u mbajt më 18 tetor, kur dy kandidatët që siguruan numrin më të madh të votave u kualifikuan për përballjen e dytë.
Në votimet e 18 tetorit, të drejtën për të votuar e kishin 16,256 qytetarë, ndërsa pjesëmarrja arriti në 46.56%, me gjithsej 7,565 votues.
Meqë asnjë kandidat nuk arriti të marrë shumicën e kërkuar, në komunë po zhvillohet edhe një raund i dytë.
Zgjedhjet e parakohshme për kryetar të komunës u thirrën pas vdekjes së papritur të kryetarit Jovica Ilievski.
