Michael Carrick ka bërë të ditur se Bruno Fernandes do të vazhdojë të jetë kapiten i Manchester Unitedit, edhe pse mesfushori portugez ka kritikuar publikisht taktikat e trajnerit.
Sipas Carrickut, përkushtimi i Fernandesit ndaj klubit mbetet i padiskutueshëm, ndërsa besimi i tij te lojtari nuk ka ndryshuar.
Të lidhura
None found
“Ai është plotësisht i përkushtuar ndaj këtij klubi dhe dëshiron që gjërat të përmirësohen. Për mua, kjo nuk ndryshon asgjë”, deklaroi trajneri në një konferencë për media.
Carrick vlerësoi gjithashtu rolin e kapitenit portugez në drejtimin e ekipit, duke theksuar se ai e ka udhëhequr Manchester Unitedin në mënyrë të shkëlqyer në shumë ndeshje dhe prej shumë vitesh.
“Ai është lojtari që e ka udhëhequr ekipin në mënyrë të shkëlqyer në shumë ndeshje dhe prej shumë vitesh, dhe do të vazhdojë ta bëjë këtë”, shtoi trajneri anglez.
Gjatë kësaj jave u raportua se Carrick dhe Fernandes kishin zhvilluar një takim kokë më kokë, për të diskutuar situatën mes tyre dhe për të lënë pas çdo mosmarrëveshje.
Thuhet se gjatë bisedës, kapiteni portugez i kishte shprehur trajnerit gatishmërinë për të ndihmuar Manchester Unitedin në përmirësimin e sezonit.
Fernandes pritet të jetë pjesë e skuadrës në duelin e së shtunës ndaj Chelseat, ku “Djajtë e Kuq” do të kërkojnë një rezultat pozitiv.
Fjalët e Carrickut konfirmojnë se Fernandes mbetet një prej figurave qendrore të skuadrës dhe se, pavarësisht çdo mospajtimi të mundshëm, trajneri nuk ka ndërmend të ndryshojë hierarkinë e kapitenëve.
