Sulmuesi i Anglisë, Ivan Toney, mund të ketë të ardhme të pasigurt me kombëtaren në Kampionatin Evropian 2028, pasi seanca e parë e gjyqit të tij për sulm është caktuar më 12 qershor 2028, vetëm tri ditë pas nisjes së turneut në Mbretërinë e Bashkuar dhe Irlandë.
Futbollisti 30-vjeçar u paraqit të enjten në Gjykatën e Southëarkut dhe u deklarua i pafajshëm ndaj akuzës për sulm që ka shkaktuar lëndime trupore.
Të lidhura
None found
Sipas akuzës, në dhjetor të vitit 2025, në një klub nate në Soho, Toney e ka goditur Saber Da Silvan me kokë dhe grushte.
Avokatët e tij nuk mohojnë se nga përplasja ka ardhur lëndimi, por argumentojnë se sulmuesi reagoi për t’u mbrojtur.
Procesi gjyqësor parashikohet të zgjasë tri deri në katër ditë. Gjyqtari ka shpjeguar se vonesa e konsiderueshme në nisjen e gjyqit lidhet me ngarkesën e madhe të gjykatave.
Te Al-Ahli, sulmuesi po zhvillon një sezon të mirë, pasi ka realizuar 13 gola në 14 paraqitje deri tani.
Para transferimit jashtë Anglisë në vitin 2024, Toney shënoi 36 gola në 83 ndeshje të Ligës Premier me Brentfordin.
Kalimi i tij te klubi saudit u raportua se kishte vlerën e rreth 40 milionë funteve, ose afërsisht 47 milionë euro.
