Kuvendi i Kosovës do të mblidhet në seancë plenare të enjten, më 15 tetor 2026, në orën 10:00. Mbledhja do të zhvillohet në sallën e seancave.
Të lidhura
None found
Sipas njoftimit të Drejtorisë për Media dhe Marrëdhënie me Publikun, deputetët do të trajtojnë gjithsej shtatë pika të rendit të ditës.
Seanca do të nisë me miratimin e procesverbaleve të mbledhjeve të mëparshme, ndërsa më pas do të vijojnë deklarimet jashtë rendit të ditës dhe pyetjet parlamentare.
Ndër çështjet kryesore është përzgjedhja e dy (2) anëtarëve joekzekutivë të Bordit të Bankës Qendrore të Republikës së Kosovës.
Po ashtu, pritet të formohet Komisioni Ad-Hoc për përzgjedhjen e kandidatëve për dy (2) anëtarë nga komuniteti shqiptar, një (1) anëtar nga komuniteti serb dhe një (1) anëtar nga komunitetet jo shumicë në Bordin e Radiotelevizionit të Kosovës.
Në rend dite është përfshirë edhe propozimi i GP- Lista serbe për emërimin e deputetëve në komisionet parlamentare.
Seanca do të përmbyllet me shqyrtimin e dytë të Projektligjit nr.11/L-017 për ndryshimin dhe plotësimin e Ligjit Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit.
Njoftimi është publikuar nga Drejtoria për media dhe marrëdhënie me publikun më 15 tetor 2026.
