Një sasi prej 1.7 kilogramësh bizhuteri argjendi është kapur në vendkalimin kufitar Tabanoc, ku përfshihen edhe 595 unaza prej argjendi. Autori i veprës i kishte fshehur ato me qëllim që të mos paguante detyrimet doganore dhe ndaj tij do të ndërmerren masa ligjore.
Të lidhura
None found
Sipas njoftimit nga Drejtoria e Doganave, gjatë një kontrolli të automjetit në pikën kufitare Tabanoc, zyrtarët doganorë zbuluan deri në 595 unaza argjendi të fshehura nën sedilje, me ç’rast autori kishte dashur t’i shmangej pagesës së taksave.
Drejtoria e Doganave bën të ditur se stolitë me peshë totale 1.7 kilogramë u konfiskuan dhe se kundër autorit do të fillojnë procedurat përkatëse. Rasti është dokumentuar edhe me kamera trupore.
