Përmes një postimi në rrjetin social X, kryeministri Edi Rama, ka reaguar kundër sulmeve të rebelëve Huthi ndaj Arabisë Saudite, duke dënuar veçanërisht goditjen vdekjeprurëse në Aeroportin Ndërkombëtar King Khalid të Riadit.
Rama shprehu solidaritetin e Shqipërisë me Mbretërinë e Arabisë Saudite dhe popullin e saj. Ai përcolli ngushëllimet për familjet e viktimave, uroi shërim të shpejtë për të plagosurit dhe kërkoi që autorët e sulmeve të përballen me përgjegjësinë.
Të lidhura
None found
“Shqipëria i dënon në mënyrën më të fuqishme sulmet e Huthëve ndaj Arabisë Saudite, përfshirë sulmin vdekjeprurës kundër Aeroportit Ndërkombëtar King Khalid në Riad.
Shqipëria qëndron pa mëdyshje në krah të Mbretërisë së Arabisë Saudite dhe qytetarëve të saj. Familjeve të viktimave u shprehim ngushëllimet tona më të thella, ndërsa të gjithë të plagosurve u urojmë shërim të shpejtë.
Sulmet kundër civilëve dhe objekteve civile nuk mund të justifikohen në asnjë rrethanë. Veprime të tilla rrezikojnë paqen në rajon dhe sigurinë e korridoreve të rëndësishme të transportit ndërkombëtar.
Huthët, së bashku me sponsorët e tyre të njohur të terrorizmit në Teheran, duhet të mbajnë përgjegjësi. Komuniteti ndërkombëtar duhet të japë një qëndrim të përbashkët dhe të kërkojë që këto sulme të ndalen menjëherë”, shkroi kryeministri në X.
