Konferenca e Kryetarëve është mbledhur sot për të shqyrtuar kërkesën e opozitës për zhvillimin e një mocioni me debat lidhur me skandalin e Vlora Hysenit, ish-kreut të SHISH.
Gazetari Ergys Gjençaj, në një lidhje të drejtpërdrejtë për News24, tha se sipas opozitës arrestimi i Vlora Hyseit dëshmon degradimin e institucioneve shtetërore.
Të lidhura
None found
Opozita e konsideron urgjente zhvillimin e mocionit, me synim përcaktimin e përgjegjësive politike për këtë rast.
Gjençaj bëri të ditur gjithashtu se në orën 11:00 do të mblidhet Këshilli i Legjislacionit, i cili do të shqyrtojë edhe vendimin e Gjykatës Kushtetuese të 1 qershorit të këtij viti për kërkesën e PD-së për ngritjen e një komisioni hetimor mbi zgjedhjet e 11 majit.
Sipas tij, Gjykata Kushtetuese i ka dhënë të drejtë opozitës dhe ka përcaktuar se Kuvendi duhet të ngrejë komisionin hetimor.
