Themeluesi i Acromac, Aldor Nini, u ka bërë thirrje portaleve të mos publikojnë materiale intime të personazheve publikë, pasi disa prej tyre janë shfaqur dhe shpërndarë në rrjetet sociale dhe portalet online në vend. Ai paralajmëroi se kushdo që i shpërndan këto materiale do të raportohet tek autoritetet.
Nini bëri të ditur se provat po i dërgohen njëkohësisht Drejtorisë së Policisë, e cila po punon për të identifikuar personat që shpërndajnë materialet.
Të lidhura
None found
Sipas tij, shpërndarësit mund të identifikohen përmes adresave IP, numrave të telefonit, të dhënave të vendndodhjes, adresave të emailit dhe llogarive iCloud. Ai tha se kjo vlen si për portalet dhe faqet në rrjetet sociale, ashtu edhe për gazetat e televizionet.
