Ministria e Arsimit dhe Shkencës ka bërë publike rezultatet e konkursit për sistemimin e studentëve të vitit të parë në konvikte studentore gjatë vitit akademik 2026–2027.
Të lidhura
None found
Listat e studentëve të regjistruar në vitin e parë, të përzgjedhur për akomodim në konviktet e Shkupit, Shtipit, Tetovës, Manastirit dhe Ohrit, janë publikuar në faqen zyrtare të MASh-it. Ato gjenden edhe në tabelat e njoftimeve të konvikteve ku është paraqitur aplikimi.
Në bazë të konkursit për pranimin e studentëve të regjistruar në programet universitare në konviktet shtetërore dhe private të Republikës së Maqedonisë së Veriut për vitin akademik 2026/2027, të publikuar nga MASh-i në korrik, kandidatët kanë të drejtë të kundërshtojnë rezultatet në konviktin ku kanë aplikuar. Ankesat duhet të dorëzohen brenda 10 ditëve nga publikimi i rezultateve.
Studentët që janë pranuar duhet të akomodohen në konvikt pasi të nënshkruajnë kontratën me institucionin ku janë sistemuar, ndërsa ky proces duhet të përfundojë jo më vonë se 10 ditë pas publikimit të listës përfundimtare.
