Sheshi “Skënderbeu” në Prishtinë është mbushur sonte me mijëra qytetarë, të cilët janë mbledhur për të shprehur mbështetje për ish-drejtuesit e Ushtrisë Çlirimtare të Kosovës.
Të lidhura
None found
Tubimi pritet të nisë së shpejti. Në shesh ka mbërritur tashmë një numër i madh pjesëmarrësish.
Protesta organizohet kundër aktgjykimit të Dhomave të Specializuara në Hagë, përmes të cilit ish-krerët e UÇK-së u dënuan me gjithsej 81 vite burgim.
Gjatë tubimit pritet të mbajnë fjalime organizatorë dhe pjesëmarrës.
Protesta kundër vendimit janë zhvilluar sot edhe në Shkup. Tubime të ngjashme janë mbajtur gjithashtu në Melburn të Australisë, Oslo të Norvegjisë, Gjenevë të Zvicrës dhe qytete të tjera të botës.
Më herët gjatë ditës, në Prishtinë protestuan edhe tifozët kosovarë, duke kundërshtuar vendimin e Dhomave të Specializuara ndaj katër ish-drejtuesve të UÇK-së.
