Malisheva triumfoi 2-1 në shtëpi ndaj Ballkanit, pasi arriti ta përmbyste rezultatin në një derbi të baraspeshuar mes dy skuadrave kosovare.
Të lidhura
None found
Ballkani kaloi në epërsi në minutën e 14-të, kur Albin Berisha realizoi një gol të bukur dhe e la të shtangur portierin vendas.
Pas golit të pësuar, Malisheva shtoi përpjekjet në sulm dhe fitoi një penallti, të cilën Xhemail Ibishi e shndërroi saktësisht në gol në minutën e 56-të.
Fitoren vendasve ua siguroi Mark Bushaj. Futbollisti i inkuadruar nga stoli e tundi rrjetën e “Xhebrailave” në minutën e 89-të, vetëm një minutë pasi hyri në lojë.
Me këtë sukses, Malisheva qëndron në pozitën e dytë me 16 pikë, ndërsa Ballkani renditet i pesti me 10 pikë.
