Rezultati i dobët i CDU-së në zgjedhjet e Saksoni-Anhalt ka rikthyer në qendër të vëmendjes të ardhmen politike të kancelarit gjerman Friedrich Merz.
Të lidhura
None found
Qeveria po përballet me rënie të ndjeshme të mbështetjes, ndërsa partia e kancelarit po shfaq performancë të dobët edhe në sondazhet për zgjedhjet në Meklenburg-Pomeraninë Perëndimore. Brenda CDU-së janë shtuar vërejtjet ndaj mënyrës së komunikimit të Merz-it dhe reformave të vështira që ai ka ndërmarrë. Shqetësim për përplasjet brenda forcës politike të kancelarit ka shprehur edhe partneri i koalicionit, SPD-ja.
Ndër emrat që përmenden si kandidatë të mundshëm për pasues janë Markus Söder, drejtues i Bavarisë dhe lider i CSU-së, si edhe Hendrik Wüst, kryeministër i Rinit Verior-Vestfalisë. Megjithatë, deri më tani, asnjë prej rivalëve nuk e ka sfiduar publikisht Merz-in. Në të njëjtën kohë, tetë kryeministra landesh të qeverisur nga CDU-ja kanë përsëritur mbështetjen e tyre për kancelarin.
Burime nga qarqet politike të Berlinit bëjnë me dije se Merz synon të thërrasë komitetin ekzekutiv të CDU-së në një takim në Berlin të dielën në mbrëmje, menjëherë pasi të shpallen rezultatet e zgjedhjeve në landin e Meklenburg-Pomeranisë Perëndimore.
Në këtë mbledhje, ai pritet t’i kërkojë komitetit të shprehet nëse vazhdon ta ketë besimin e partisë. Për të qenë i pranishëm në takim, Merz ka anuluar udhëtimin e planifikuar prej kohësh në Nju Jork, ku do të merrte pjesë në Asamblenë e Përgjithshme të Kombeve të Bashkuara.
