Ka mbetur vetëm një ditë deri në shpalljen e vendimit përfundimtar ndaj katër ish-drejtuesve të Ushtrisë Çlirimtare të Kosovës.
Të lidhura
None found
Aktgjykimi do të bëhet publik nga Gjykata Speciale në Hagë të mërkurën, në orën 10:00.
Hashim Thaçi, ish-president, Kadri Veseli dhe Jakup Krasniqi, ish-kryeparlamentarë, si dhe Rexhep Selimi, ish-deputet, akuzohen për krime lufte dhe krime kundër njerëzimit. Të katërt janë deklaruar të pafajshëm për secilën pikë të aktakuzës së ngritur nga Zyra e Prokurorit të Specializuar.
Gjatë fjalëve përmbyllëse në Hagë, ekipet e tyre mbrojtëse kërkuan që të akuzuarit të lirohen nga të gjitha akuzat.
Mbrojtjen e ish-kryeparlamentarit Jakup Krasniqi e drejton avokatja Venkateswari Alagendra.
Pjesë e ekipit të tij ligjor, në rolin e bashkëmbrojtësve, janë gjithashtu Aiden Ellis, Viktor Bejeshu dhe Shiamala Alagendra Khan.
Në deklaratat përfundimtare para trupit gjykues, mbrojtja kërkoi që Krasniqi të shpallet i pafajshëm për të gjitha akuzat që rëndojnë mbi të.
