Kryeministri i Kosovës, Albin Kurti, zhvilloi një takim me ambasadorin e Mbretërisë së Bashkuar në Kosovë, Jonathan Hargreaves.
Të lidhura
None found
Takimi u mbajt një ditë pas votimit të Qeverisë së re, ndërsa, sipas Zyrës së Kryeministrit, ambasadori Hargreaves e përgëzoi Kurtin për përparimin e bërë deri tani në krijimin e institucioneve.
Gjatë bisedës, kryeministri Kurti shprehu falënderimin dhe mirënjohjen e tij për përkrahjen e vazhdueshme e të palëkundur që Mbretëria e Bashkuar i ka dhënë Kosovës dhe qytetarëve të saj.
Sipas ZKM-së, palët diskutuan gjithashtu për nevojën e ruajtjes së stabilitetit institucional dhe zhvillimet aktuale, si dhe për raportet dypalëshe mes Republikës së Kosovës dhe Mbretërisë së Bashkuar. Në fokus ishte forcimi i bashkëpunimit në ekonomi, digjitalizim, teknologji të informacionit, mbrojtje, energji dhe luftën kundër dezinformimit.
