Protesta e sotme ka hyrë në një fazë të re pas mbylljes së fjalimeve nga përfaqësues të shoqërisë civile, aktivistë dhe qytetarë. Pjesëmarrësit janë rikthyer në lëvizje dhe kanë nisur marshimin në bulevardin “Dëshmorët e Kombit”, si dhe në rrugët kryesore të kryeqytetit.
Protestuesit, të pajisur me flamuj kombëtarë dhe pankarta, po kalojnë në mënyrë të organizuar në segmentet kryesore rrugore të Tiranës, në ditën e 106 të qëndresës.
Të lidhura
None found
Gjatë marshimit dëgjohen thirrje kundër kabinetit qeveritar dhe kryeministrit Edi Rama. “Rama jep dorëheqjen!” dhe “Ju erdhi fundi!” janë sloganet që po përsëriten nga turma, e cila shprehet e vendosur ta vijojë marshimin dhe aksionin qytetar deri në përmbushjen e plotë të kërkesave.
