Ambasada e Shteteve të Bashkuara në Tiranë nderoi 2,977 personat që humbën jetën në sulmet terroriste të 11 shtatorit 2001, duke mbajtur një minutë heshtjeje 25 vite pas tragjedisë.
Komuniteti i ambasadës në Shqipëri u ndal në orën 8:46, në të njëjtin moment kur avioni i parë përplasi Kullën Veriore të Qendrës Botërore të Tregtisë në Nju Jork.
Të lidhura
None found
“Njëzet e pesë vjet më parë, në orën 8:46 të mëngjesit në Nju Jork, avioni i parë goditi Kullën Veriore”, thuhej në mesazhin e publikuar nga ambasada.
Ceremonia përkujtimore u kushtohej të gjitha viktimave në Nju Jork, Virxhinia dhe Pensilvani, mes të cilëve ishin edhe tre shqiptaro-amerikanë.
E Ngarkuara me Punë e Ambasadës Amerikane në Tiranë, Nancy VanHorn, deklaroi se kalimi i një çerek shekulli nuk e ka zbehur kujtimin e atyre që humbën jetën.
“Ne kujtojmë çdo jetë të humbur. Nderojmë punonjësit e shërbimeve të emergjencës të cilët u vunë përballë rrezikut dhe familjet që e kanë mbartur këtë dhimbje prej një çerek shekulli”, u shpreh VanHorn.
