Liverpooli po shqyrton mundësinë për të bërë një tjetër përpjekje për transferimin e mesfushorit të Crystal Palace, Adam Wharton, në vitin 2027, ndërsa qëndrimi i futbollistit ndaj një lëvizjeje të tillë tashmë është bërë i ditur.
Të lidhura
None found
Skuadra angleze ka evidentuar nevojën për të afruar një mesfushor me detyra mbrojtëse. Gjatë afatit kalimtar të verës, “Të Kuqtë” nuk ndërhynë në këtë repart, pasi prioritetet e tyre ishin transferimi i madh i Bradley Barcolës dhe forcimi i mbrojtjes.
Ryan Gravenberch dhe Alexis Mac Allister janë aktivizuar këtë sezon në pozicionin më të tërhequr të mesfushës, por drejtuesit e Liverpoolit synojnë të kenë më shumë alternativa dhe cilësi në atë rol.
Liverpooli lidhet gjithashtu me Lamine Camaran, për të cilin kishte shfaqur interes edhe gjatë verës. Mesfushori vazhdoi të qëndrojë te Monaco, pasi klubi francez e prishi në minutat e fundit marrëveshjen me Chelsean, në ditën e fundit të afatit kalimtar.
Sipas TEAMtalk, interesi i Liverpoolit për Whartonin mbetet i pranishëm, pas vëmendjes që klubi i kishte kushtuar më herët lojtarit të Crystal Palace.
Anglezi konsiderohet nga “Të Kuqtë” si një përforcim që mund t’i japë më shumë qetësi dhe nivel mesfushës. Për këtë arsye, klubi po ndjek nga afër situatën e tij, me synimin për një transferim të mundshëm në vitin 2027.
Edhe Newcastle e ka në listën e dëshirave Whartonin dhe pritet të përfshihet në garë nëse krijohen kushtet që mesfushori të largohet nga Crystal Palace.
