Seanca konstituive e Kuvendit u ndërpre pasi kandidatja e Partisë Demokratike të Kosovës për postin e nënkryetares nuk arriti të siguronte votat e nevojshme. Deputetja e PDK-së, Blerta Deliu-Kodra, reagoi menjëherë pas këtij zhvillimi.
Të lidhura
None found
Ajo theksoi se Lëvizja Vetëvendosje nuk dha mbështetjen për kandidaten e propozuar nga radhët e saj. “Ajo që pamë sot është një rast i paparë më parë, sepse doli hapur në pah përpjekja e pandërprerë e Albin Kurtit dhe Lëvizjes Vetëvendosje për të penguar më tej funksionimin e Kuvendit. Ne i dhamë votën kandidatit që propozoi Vetëvendosje për nënkryetar, ashtu siç e kërkon rregullorja e Kuvendit”, deklaroi Deliu-Kodra.
Më tej, deputetja shtoi se gjatë së premtes u dëshmua në mënyrë të qartë strategjia e vijueshme e pengesave nga ana e atyre që, sipas fjalëve të saj, nuk dëshirojnë të shohin të përmbyllet konstituimi i Kuvendit të Kosovës.
