Kreu i Lidhjes Demokratike të Kosovës, Lumir Abdixhiku, zhvilloi një takim me ambasadorin e ri të Bashkimit Evropian në Kosovë, Dirk Schubel, ku biseduan për situatën e fundit politike në vend.
Të lidhura
None found
Njoftimi i LDK-së, i publikuar në Facebook, bën të ditur se pjesë e diskutimeve ishte edhe seanca konstituive e Kuvendit të Kosovës, e planifikuar për të mërkurën. Gjatë takimit u trajtuan gjithashtu qëndrimet e kësaj partie për procesin e konstituimit të institucioneve.
Abdixhiku vlerësoi se institucionet e Republikës së Kosovës duhet të krijohen sa më shpejt, në mënyrë që vendi të ketë funksionim institucional dhe të përqendrohet në objektivat e tij demokratike, ekonomike dhe evropiane.
Takimi përfshiu edhe çështjen e bashkëpunimit mes Kosovës dhe Bashkimit Evropian, si dhe nevojën për vijimin e reformave dhe përparimin e agjendës evropiane të Republikës së Kosovës, thuhet në njoftimin e LDK-së.
