Arturo Vidal ka publikuar mesazhin e parë pas transferimit në Inter.
Arturo Vidal ka publikuar mesazhin e tij të parë si futbollist i Interit.
Mesfushori kilian sot është zyrtarizuar si përforcim i ri i “Nerazzurrëve” pas kompletimit të transferimit nga Barcelona.
“Sot fillon një epokë e re në karrierën time. Faleminderit Inter për besimin në mua, bashkëlojtarët e mi dhe gjithë klubin për mikpritjen e bukur”, shkroi Vidal.
“Shpresoj se mund të fitojmë shumë gjëra së bashku. Forza Inter”, u shpreh ylli kilian.
Vidal ka nënshkruar kontratë dyvjeçare me Interin me opsion për vazhdimin për një vit tjetër.
