Edhe pse ka fituar dy tituj nw Premier League, portieri i Realit, Thibaut Courtois shprehet sw asgjë s’është më mirë sesa të fitojë me Real Madridin.
Plani i tij është t’i arrijë këto suksese edhe me Real Madridin, pasi që ai e bën të qartë se është duke e jetuar ëndrrën e tij në Santiago Bernabeu.
“Të jesh lojtar i Real Madridit është shumë e rëndësishme. Gjithçka është e rëndësishme këtu – çdo ndeshje, çdo seancë stërvitore”, ka thënë belgu, në një intervistë të dhënë për Real Madrid TV.
“Këtu kemi më shumë presion dhe duhet të dimë se si ta përballojmë atë. Unë me të vërtetë dua të luftoj për t’i fituar titujt e Ligës së Kampionëve dhe La Ligës. S’ka më mirë sesa fitoret me Real Madridin”.
“Në Real Madrid, nuk mund të pushosh asnjëherë, s’je asnjëherë i qetë. Kur e vesh këtë fanellë, ti e di presionin që vjen me të, kjo është arsyeja pse klubi ka kaq shumë tituj”.
