Një person i paidentifikuar ende nga autoritetet turke dyshohet se ka shpuar gomat e 160 makinave në zonën e Diyarbakërit gjatë natës që ra tërmeti shkatërrues në këtë vend.
Kamerat e sigurisë kanë kapur momentet kur një burrë shëtit në rrugë dhe godet gomat e makinave me thikë duke i shpuar ato.
Autoritetet nuk kanë identifikuar ende autorin dhe nuk dinë shkaqet që e shtynë atë drejt këtij veprimi, raporton albeu.com.
Ky veprim ka nervozuar tej mase pronarët e veturave që e cilësuan si skandaloz, në veçanti në natën kur i tërë vendi ishte në shok pas tërmetit vdekjeprurës, dhe për këtë kanë kërkuar nga autoritetet ta kapin sa më shpejtë të jetë e mundur. /albeu.com
