Luka Modric e ka cilësuar humbje të madhe largimin e mundshëm të Lionel Messit nga La Liga.
Saga për largimin e gjashtë herë fituesit të Topit të Artë nga Barcelona, vazhdon të jetë aktive në media, me babanë e tij që ka mbërritur në Spanjë, për të diskutuar me drejtuesit e klubit katalan.
“Do të ishte një humbje e madhe. Njëjtë sikur kur u largua Cristiano”, ka deklaruar Modric.
“Por ju nuk mund të mendoni për të kaluarën. Është futboll dhe kjo është e gjitha. Nëse ndodh do të ishte një humbje e madhe për imazhin e ligës”.
Megjithëkëtë, Modric thotë se duhet shikuar përpara, te futbollistët e tjerë që do të bëhen yje në të ardhmen.
“Por ne duhet të shikojmë përpara. Lojtarët e tjerë do të bëhen yje”.
