Është ndarë nga jeta në moshën 81-vjeçare legjenda e futbollit francez, Robert Herbin, trajneri që e çoi në finalen e Champions League (Kupa e Kampioneve në atë kohë) klubin francez të St.Etien në vitin 1976.
Ai ndërroi jetë në spital, pasi ishte i sëmurë prej kohësh.
Herbin numëron më shumë se 400 ndeshje me St. Etien, një nga klubet më të mëdha në Francë dhe ka qenë pjesë e rëndësishme e Kombëtares së Francës, që shkoi në gjysmëfinale të Europianit të vitit 1960.
Robert Herbin drejtoi prej 11 vitesh St.Etienin, që fitoi edhe titullin kampion me të në krye.
Më pas drejtoi edhe skuadra si Lion, Al Nasr, Strasburg apo Red Star.
