Kanë përfunduar dy ndeshjet e Grupit A të Kategorisë së Parë, ku Besëlidhja ka mposhtur Erzenin në Lezhë, me rezultatin 4-2, ku në ndeshje ka pasur 3 penallti, dy për vendasit dhe një për miqtë nga Shijaku.
Një fitore që u shkon për shtat vendasve që duan vendin e dytë, ndërsa Kastrioti ka mposhtur Korabin me rezultatin 0-2 në transfertë, por që sfida është luajtur në Kamzë, me krutanët që saldohen në krye.
Ndërkohë, në Grupin B, një sfidë mjaft interesante, ajo mes Besës dhe Pogradecit e luajtur në Shijak ka përfunduar me rezultatin 3-2 për verdhezinjtë, që me këtë fitore janë edhe vetë në lojë për t’u ngjitur dhe gara është bërë më interesante. Nesër në Fier luan Apolonia me Lushnjën.
Ja rezultatet e ndeshjeve të luajtura sot për “Play-Off-in” e Kategorisë së Parë…
Ndeshjet e sotme, rezultatet
Grupi A
Besëlidhja – Erzeni 4-2
Golat: E.Hoxha 23’ (11-m), 45’, 75’ (11-m), Fetaj 61’ / Çutra 58’, Rezi 64’ (11-m)
Korabi – Kastrioti 0-2
Golat: Çela 49’ , Ajazi 90’
Grupi B
Besa – Pogradeci 3-2
Golat: Onu 1’, B.Lila 55’, Conceicao 70’/ Liçkollari 9’, Alillari 42’
