Në këtë periudhë pauze përsa i përket futbollit të luajtur klubet e mëdha europiane mendojnë edhe për merkaton.
Sipas Tuttosport mes Paris Saint Germain dhe Juventusit ka nisur të diskutohet për një shkëmbim të bujshëm mes Mauro Icardit dhe Miralem Pjanic.
Sulmuesi argjetinas është në formë huazimi te kampionët e Francës nga Interi dhe gjasat që të qëndrojë te PSG edhe sezonin e ardhshëm janë të pakta. Por klubi francez mund të vendosë ta blejë kartonin e Icardit për 70 milionë euro nga zikaltërit për ta shkëmbyer më pas me Pjanic.
Mesfushori boshnjak është një dëshirë e vjetër e parizienëve ndërkohë që Icardi është objektivi i madh i Juves në merkato dhe në këtë rast të dyja klubet mund të mbeten të kënaqura.
