Qendërmbrojtësi i Kombëtares shqiptare, Marash Kumbulla, me paraqitjet që po bën në sezonin e parë në Serie A, ka tërhequr vëmendjen e klubeve më të mëdha italiane.
Nuk është rastësi që “xhevahiri” i Veronës ka përfunduar në listën e blerjeve të Interit, Napolit dhe Lazios.
Por sipas “Cittaceleste.it”, Lazio nuk do të kishte ndërmend të qëndrojë dhe të shikojë se si rivalët po përparojnë për blerjen e talentit shqiptar, raporton Syri.net.
Sipas medias së afërt me klubin lacial, kanë nisur kontaktet e kryeqytetasve me Kumbullën.
Sidoqoftë, Interi mbetet konkurrenti më i fortë për 20-vjeçarin shqiptar.
Presidenti i Veronës kërkon 20 milion euro, një shifër që zikaltrit do të donin ta zbutnin disi, duke futur në negociata Federico Dimarco, i cili është i huazuar te Parma, por që është lojtar i Interit.
