Barcelona-Napoli rrezikon të mos luhet në Camp Nou.
Shkak është bërë Covid-19 teksa autoritetet po u kërkojnë qytetarëve të Barcelonës dhe zonave përreth që të qëndrojnë në shtëpi përveçse atyre për arsye urgjente, shkruan Albeu.com.
Rritja e rasteve të koronavirusit të orëve të fundit ka shtyrë drejtuesit e qytetit të komunikojnë tek popullata që të mos largohen nga shtëpitë e tyre, duke shmangur tubimet shoqërore, daljet e natës dhe aktivitetet kulturore.
Mbledhja e më shumë se 10 personave si në publik ashtu edhe në atë privat është gjithashtu e ndaluar.
Sidoqoftë, njerëzit e Barcelonës po përpiqen të largohen nga qyteti duke bllokuar rrugët që çojnë në kryeqytetin e Katalonjës me trafik.
Në këtë pikë ekziston një rrezik serioz që ndeshja kthyese e raundit të 16-të të Champions League me Napolin të mos luhet në Camp Nou.
Gjithçka do të varet nga situata në dy javët e ardhshme. /albeu.com/
