Pogradeci ëstë skuadra më në formë këtë sezon dhe pretendent kryesor për tu ngjitur në Superiore sezonin e ardhshëm.
Liqenorët mbajnë vendin e paë në Grupin B me vetëm një pikë më shumë se Apolonia e Fierit.
Ndeshja e ardhshme e Pogradecit është pikërisht ndaj Apolonisë, kundërshtarit direkt për vendin e parë.
Në një intervistër për RTSH, Abazaj shprehet se në Fier do të shkojnë për tre pikët pasi kjo do të krijonte shkëputje në krye si dhe kërkon nga FSHF që ndeshjen ta gjykojë një arbitër nga Superiorja.
“Duke parë përkushtimin dhe regjimin e djemve, sesi stërviten dhe çfarë kolektiviteti kanë, këto faktorë të çojnë drejt suksesit. Tani do t’i kthejmë sytë nga Apolonia. Do të shkojmë dhe do të përballemi denjësisht. Do të bëjmë lojën tonë dhe do shkojmë për të marrë pikë. Ndeshja duhet të administrohet mirë nga ata që e bëjnë këtë punë. Këtu u sollën njëherë arbitra të Superiores me Fierin këtu. Le të sjellim përsëri arbitër këtu që të dalë ndeshje e mirë dhe unë do e kërkoj përsëri”, u shpreh Abazaj.
