Viktor Marku ka mohuar sot para gjykatës të jetë autor i ekzekutimit të Hekuran Billës, ngjarje e ndodhur në datën 11 qershor në zonën e Komunës së Parisit në kryeqytet.
Ai ka deklaruar se ka qenë jashtë vendit, në Mal të Zi dhe se policia duhet të arrestojë autorët e vërtetë.
“Policia të gjejë autorët. Ditën e vrasjes e deri kur më arrestuan kam qenë në Mal të Zi. Policia të bëjë ç’të dojë, unë nuk kam vrarë njeri,”-mësohet se është shprehur Marku teksa merrej në pyetje.
Ndërkohë masa ndaj tij nis në 11:00 në Gjykatën Penale të Tiranës.
Ndërkohë policia thotë se Viktor Marku është autori kryesor në vrasjen e Hekuran Billës disa ditë më parë në zonën e Komunës së Parrist në kryeqytet.
Marku është arrestuar në Mal të Zi falë bashkëpunimit mes Policisë së Shtetit dhe asaj malazeze.