Ministria e Shëndetësisë njoftoi të martën se 10 mjekët që u dërguan për të ndihmuar në epideminë e Covid-19 në Itali, kanë nisur punë në spitalin e Brescias, ndërsa 20 infermierët pritet të fillojnë nesër.
Përmes një lidhjeje videofonike, mjeku Ermal Pashai i tha Ministres Ogerta Manastirliu se:
“Ne mjekët filluam të gjithë punë sot, infermierët do të fillojnë nesër.
Reanimatoret kanë filluar punë në reanimacion, ndërsa unë me gjithë doktoreshën tjetër jemi tek repartet subintensive të Covid-19, në repartet e pneumologjisë.
Ndërsa doktoresha që vinte nga Instituti i Shëndetit Publik është tek tamponët me gjithë dy mjekë të tjerë.
Ndërsa dy mjekë janë vendosur në triazhim. Edhe infermierëve u kanë përcaktuar vendet dhe nga nesër do të fillojnë shërbimin.”
Ministrja Manastirliu u shprehu mjekëve vlerësim e krenari dhe u uroj atyre suksese.
