Skuqet përsëri Kruja, konfirmohen 5 raste të reja me koronavirus

Pesë raste të reja me koronavirus kanë rezultuar ditën e sotme në Krujë.

Mësohet se bëhet fjalë për katër gra dhe një burrë, prej të cilëve 3 raste janë të reja, kurse 2 të tjerë janë raste kontakti.

Kruja mban vendin e parë për numrin më të madh të prekurve aktivë me koronavirus në vend pas shpërthimit të infeksionit në një fasoneri në qytet.

Fasoneria në fjalë infektoi Krujën dhe Laçin duke shënuar dhjetra raste me koronavirus gjatë tre javëve të fundit.