SKANDAL/ Zgjedhjet në universitet me kuti të Partisë Socialiste

Nuk mungojnë skandalet teksa teka gjatë votimeve në Universitetin Politeknik të Tiranës votat po hidhen në kuti votimi me logon e Partisë Socialiste.

Përdorimi i simboleve politike në këtë proces është tërësisht i ndaluar, por kjo masë është shkelur gjatë votimit te Politekniku.

Personeli akademik dhe studentët i janë drejtuar kutive të votimit në 12 universitete publike për të zgjedhur rektorët, senatet akademike dhe përgjegjësit e departamenteve.

Zgjedhjet mbahen në kushte të vështira për shkak të pandemisë por dhe të një konflikti mes Rektorit të Universitetit të Tiranës dhe Komisionit Institucional Zgjedhor, që merr shkas nga pandemia.

Sa i përket Universitetit të Tiranës në garë për Rektor janë Artan Hoxha i fakultetit Juridik, Kozeta Sevrani e Ekonomikut dhe Mimoza Hafizi nga Fakultetit i Shkencave të Natyrës. Kurse për Senat Akademik janë disa kandidatë të rinj studentë të fakulteteve përbërëse.

Zgjedhjet kanë nisur që prej orës 08:00 të mëngjesit, ku po votohet për drejtuesit të rinj, Rektorë dhe anëtarët e Senatit Akademik dhe pritet që në këto zgjedhjet të votojnë 718 personel akademik dhe mbi 25 mijë studentë.


Shtuar 31.07.2020 11:15