Vijojnë të shtohen frikshëm personat e prekur nga koronavirusi në vendin tnë, ku në 24 orët e fundit janë shtuar 69 raste të reja.
Rastet e reja janë zbuluar pas testimeve në të gjithë vendin, ndërsa harta e plotë me qytetet pritet të njoftohet në komunikimin e përditshëm të Ministrisë së Shëndetësisë.
Një numër shumë i lartë të personave që kanë rezultuar pozitiv, e kanë marrë infeksionin në ambientet spitalore, dhe më pas e kanë transmetuar atë në qytete të tjera të vendit, që derimë tani ishin konsideruar si zona të gjelbra.
Ministrja e Shëndetësisë Ogerta Manastirliu nga ana e saj, ka bërë një reagim në Facebook ku i bën thirrje qytetarëve që të ndihmojnë në kufizimin e përhapjes së koronavirusit.
“#RespektoniRregullat, Kur dilni, ruani distancën 1.5 metër; Mbani maskë/barriera mbrojtëse kur nuk është e mundur të ruhet distanca fizike; Lani shpesh duart; Dezinfektoni dhe ajrosni ambientet ku qëndroni; RuaniShëndetin #Mbroni veten dhe të tjerët”, shkruan Manastirliu.
