Kryeministri Edi Rama bëri të ditur sot pasdite, se ka patur një bisedë telefonike me kryeministrin grek, Mitsotakis, ku kanë gjetur shumë dakordësi, në veçanti për punonjësit sezonalë.
Rama la të kuptohet, se ata do të mund të shkojnë në Greqi, të punojnë kryesisht në turizëm e punë të tjera të kohës, pas 15 majit.
Shefi i qeverisë po ashtu, konfirmoi edhe një herë se dakordësia me qeverinë greke për të mos penalizuar ata që u kaloi afati i qendrimit atje, për shkak të mbylljes së kufirit, është në fuqi.
