Një ngjarje e rëndë ka ndodhur në Itali ku protagonistë janë një familje shqiptare.
Eduart Zyberi, shqiptari 53-vjeçar që u gjet i plagosur pranë kufomës së gruas së tij, Laureta Zyberi, 42 vjeç, në një apartament në Xhenova Molassana ka pranuar vrasjen e të shoqes.
“Il Secolo XIX’ raporton se muratori ka rrëfyer vrasjen, por ka qenë kryesisht në gjendje të rëndë dhe thoshte fjalë të pakuptimta.
Ai e qëlloi gruan e tij dhjetë herë me thikën e kuzhinës në vendin e punës. Laureta punonte si pastruese në një shtëpi.
Siç raporton media italiane motivi më i besueshëm nga hetuesit është ai i xhelozisë. Efektivët e policisë mblodhën disa dëshmi, përfshirë ato të fëmijëve të çiftit. /albeu.com/
