Pasditen e sotme ne Elbasan ka ndodhur një atentat i rëndë me një viktimë.
Viktima është shtetasi Emiljano Ramazani, 39-vjeç, ndërsa autorët e krimit janë larguar drejt Bradasheshit, si dhe kanë djegur makinën në një ullishte.
Burime bëjnë me dije se 39 vjeçari është qëlluar nga një makinë në ecje dhe dyshohet se në makinë kanë qenë dy persona.
Viktima Emiliano Ramazani, është një person me të shkuar kriminale në trafik lëndësh narkotike.
Ramazani është arrestuar per trafik kokaine në vitin 2017 dhe dyshohet se ngjarja ka ndodhur për prishje të pazarave të drogës. Policia ndodhet në vendin e ngjarjes, ndërsa informacionet e para janë kontradiktore.
Elbasan/Informacion paraprak:
Në Elbasan, në vendin e quajtur “Rrethrrotullimi i luleve”, në rrethana ende të paqarta është vrarë me armë zjarri shtetasi E. R. 39 vjeç
Autorët dyshohet se janë larguar me shpejtësi në drejtim të aksit rrugor Bradashesh-Paper, në një ullishte i kanë vënë zjarrin mjetit dhe janë larguar në kodrat përballë Paperit.
Shërbimet e Policisë janë vënë në ndjeke të autorëve, po bëhet rrethimi i zonës nga dyshohet se mund të jenë larguar autorët, si dhe janë ngritur menjëherë pika kontrolli në akset rrugore Elbasan-Rrogozhinë, Elbasan-Tiranë dhe Elbasan-Belsh.
Në ndihmë të Policisë lokale janë nsiur FNSH dhe RENEA, si dhe një grup specialistësh të Departamentit të Policisë Kriminale.
Grupi hetimor ndodhet në vendngjarje dhe po punon për fiksimin e çdo prove të mundshme që do çojë në zbardhjen e ngjarjes, identifikimin dhe kapjen e autorëve.
Nën drejtimin e Prokurorisë vijon puna për zbardhjen e plotë të rrethanave të ngjarjes.
