Gazetari shqiptar në Serbi, Idro Seferi ka ftuar shqiptarët ta hapin sytë nga procesi zgjedhor në Serbi pasi rezulton se në listat fituese nuk janë afishuar katër por vetëm tre deputetë shqiptarë.
Seferi ka publikuar një dokument që sipas tij është zyrtar dhe argumenton përmes tij se sipas të dhënave Aleksandër Vuçiç ka fituar 62.30 % të votave, ndërsa Ivica Daçiç, ka marrë 10.90% të votave, kurse shqiptarët e Luginës së Preshevës kanë marrë 3 deputetë deri më tani.
Gazetari nuk i ka kursyer kritikat ndaj mediave të shkruara kryesisht në Shqipëri dhe Kosovë që sipas tij nuk kanë publikuar të saktë rezultatin. Ai tregon se mbrëmjen e kaluar vetëm se raporton nga Serbia përmes një mesazhi është quajtur nga dikush ‘qen bir qeni’ ndërsa argumenton se kjo është arsyeja pse duhet dikush të qëndrojë atje.
Postimi i plotë:
Nje saktesim per te gjithe ata qe shkruan per zgjedhjet ne Serbi. Kish qene mire qe mediat shqip te hapun porotfolim per lajmet me shume se sa per show bizzin.
Pra te dhenat zyrtare te Komisionit Qendror te Zgjedhjeve apo Centralna Izborna Komisija jane keto pasi keta i kane me te dhena te konfirmuara. Sapo fola dhe me drejtorit e organizates CESID qe ne baze te mostrave dhe jo votave te sakta thone qe shqiptaret kane 3 deputet, por RIK ka nxjerre deri me tani keto te dhena ku ne 91% jane dy deputet ende. Sic me tha edhe CESID do befasoheshin per 4. Por, duhet thene edhe nje gje qe perderisa te mos certifikohen zgjedhjet per pakicat dhe ne perqindje te imta eshte e veshtire te flitet sakt!
Kete e keni pa pagese nga une si korrespondent i popullit! P. S. me mire ka qene te krijohen 2 portale te mira se sa 100 kiosqe! Dhe dikush ma kishte shkruar mbreme qe jam “qen bir qeni” er shkak se raportoj prej Serbise. Kjo eshte arsyeja perse duhet dikush ketu, nder te tjera, e ata qe mendojne keshtu i ftoj Live!
