Një aksident i rëndë ka ndodhur pasditën e sotme në Malësi të Madhe ku një furgon ka dalë nga rruga duke plagosur 7 pasagjerë.
Mësohet se mjeti i përket kompanisë që po rikonstrukton aksin që të çon në Theth, ndërsa pasagjerët ishin punëtorët e firmës.
Sipas burimeve, furgoni me punonjësit po ktheheshin nga vendi i punës.
Nga ky aksident ku furgoni dyshohet se është rrotullisur 2 herë, 3 pasagjerë nga 7 të lënduar, janë në gjendje të rëndë.
Policia ka mbërritur në vendin e ngjarjes për të hedhur më tepër dritë mbi shkaqet dhe rrethanat e aksidentit.
