Ish-kryeministri Sali Berisha gjatë lidhjes me skype me gazetaren Mirela Milori në ABC News lëshoi akuza të forta për ministren e shëndetësisë Ogerta Manstirliu por edhe për Kryeministrin Rama.
Berisha tha se 2 ditë më parë janë bastisur të gjithë laboratorët private në mënyrë që të mos bëjnë testet e COVID-19.
Sipas Berishës mos bërja e këtyre testeve dhe heqja e të drejtës së laboratorëve të tjerë të bëj testet, bën që qeveria të japë shifra të manipuluara dhe të ketë të përqendruar në duart e veta gjithçka.
Pjesë nga fjala e Berishës:
A e dini ju se çfarë bëri “krye-epidemiologu” i Surrelit 2 ditë më parë? Çoi policinë dhe bastisi laboratorët private, pse? Që të mos bëjnë testet. Pse të mos bëjnë testet?
Sepse do të kontrollojë çdo shifër. Unë dua ti informoj shqiptarët se testi i Covid-19 me PCR që është një nga më të ndjeshmit mund të bëhet në QSUT por këtë ja ka dhënë mikut të vet me koncesion.
Mund të bëhen në dy qendrat në Durrës, spitale private dhe shtetërore, mund të bëhet në spitalin publik dhe privat në Shkodër, mund të bëhet në Vlorë, mund të bëhet në Fier. Por këto nuk bëhen sepse duan ti mbajnë dhe të shpallin vetë aq sa duan, sa duan të sëmurë, sa duan të infektuar, dhe sa duan të vdekur nga koronavirusi.
Ky është problemi madhor dhe s’mund të pranoj këto gjëra kur qytetarët respektojnë karantinën. A e dini ju se puprra 10 ditësh erdhi oferta me miliona maska dhe u refuzua? Pse u refuzua kur ne jemi vendi më të pa pajisur me maska.
